Kultūra

IstorijaKultūraKalbaLiteratūraTautosaka Žemaitijos herbas
Lankytinos vietosVyskupijaRedaktoriaus žodis

Į pradžią


ŽEMAITIU AKADEMĖNĖ JAUNIMA KORPORACĖJĖ "SAMOGITIA"

 


Trumpa informacėjė

Adresos: A. Jakšta g. LT-2600 Vilnios, Lietova.
Tel./faksas: (8-22) 614809.
Pirmininkė Mukaitė Loreta

Konferencijoje "Žemaičių rašytojų sambūriui - 60"Žemaitiu akademėnė jaunima korporacėjė "Samogitia" Lietovuos Respublikas Teisingoma ministerėjuo iregistrouta 1996 m. groudė 24d.

 

Platiau aple korporacėjė

 

Tėms, katrėi iduomaujės žemaitiu stodėntu kultūrėniu sājūdiu istuorėjė, īr žėnuoma tarpukarė metās Lietuvuos aukštuosies muokīkluos veikusiu žemaitėšku korporacėju, katruos tonkē toriejė "Samogitia" pavadėnėma, reikšmie bėndramė žemaitiu kultūrėnemė judiejėmė.

Žemaitiu akademėnė jaunima korporacėjės "Samogitia" isteigėms ­ pėrms bandīms atkortė tū bovusiu korporacėju veikla, besimuokonti Žemaitėjės jaunima itrauktė i žemaitiu kultūrėni ėr muokslėni jodiejėma.

"Samogitia" cėntros glaudas pri Žemaitiu kultūras draugėjės redakcėjės.

Korporacėjės branduoli sodara ivairiuos Vilniaus aukštuosies muokīkluos besimuokou stodėntā.

Pirmininkė ­ "Žemaitiu žemės" žornala redaktuorė Mukienė Danutė.

Žemaičių vakaras PanevėžyjeKorporacėjė tor sava žemaitiu fuolkluora grupė "Virvītė". Ansamblis nemažā koncertoun, dalīvaun Žemaitiu kultūras draugėjės ėr Žemaitiu akademėjės rėnginiūs.

1997 m. vasara korporacėjė organizava kompleksėnė ekspedicėjė Muosiedie (Skouda rajuons), dalīvava tarptautėnemė baidarininku sāskrīdie Gdanskė.

Korporacėjės narē aktīvē prisided pri žemaitėškas spauduos leidības, īr spaudā parėngė nemažā straipsniu Žemaitėjės istuorėjės ėr kultūras klausėmās.

Korporacėjė "Samogitia" ­ nepuolitėnė organizacėjė, katruo gal dalīvautė ivairiū tautībiu, religėju ėr pažiūrū žmuonės nu 16 metu omžiaus. Palangoje, prie prof. V. Jurgučio giminių kapo

Svarbiausis korporacėjės tėkslos ­ vienītė Žemaitėjės akademini jaunima ėr kėtus žmuonis, katrėi rūpėnas jaunima švėitėmo ėr ugdīmo, sudarītė geresnės sālīgas muokītėis ėr bėndrautė Žemaitėjės krašta istuorėnio ėr kultūrėnio paveldo besėiduomaujėntėms ėr tou pavelda saugontėms, aple anou informacėjė skleidontėms jaunėms žmuonėms, nukreiptė akademini ėr kėta jaunima studėjoutė Žemaitėjės praeiti ėr dabarti, užsienė šaliū etnuografiniu regiuonu kultūrėnė judiejėma tradicėjės ėr pasiekėmus, skleistė anū patirti Lietuvuo, dalīvautė tarptautėnėmė jaunima kultūrėnėmė ėr akademėnemė judiejėmė, ugītė būsėmūsius Žemaitiu krašta tīrėnietuojus ėr muokslėninkus, vėsuomenės veikiejus, stėprintė nepriklausuoma ėr vėininga Lietuvuos valstībė.

 

Nuotraukose (iš viršaus į apačią):

  1. Konferencijoje "Žemaičių rašytojų sambūriui - 60";
  2. Žemaičių vakaras Panevėžyje;
  3. Palangoje, prie prof. V. Jurgučio giminių kapo.

© Žemaičių kultūros draugijos redakcija, 1998.
Puslapis atnaujintas 2000.05.08.
Pastabas siųskite adresu: samogitia@mch.mii.lt

IstorijaKultūraKalbaLiteratūraTautosaka
Lankytinos vietosVyskupijaRedaktoriaus žodis